تقدم لك مجاناً
*نـــــــــصائـــــــح زوجيـــــــــــــــه*
⚜ *نصايح زوجيه جميله جدا للمتزوجين والمقبلين على الزواج علشان تعيشى حياة سعيدة ياحبيبتى اقري الكلام.كويس*
1⃣ *بيتك مملكتك الخاصة*
ممنوع منعا باتا خروج الاسرار والمشاكل والعيوب والاحداث خارج الشقة.....
انتي بس وزوجك تقدروا تحلوا كل حاجه مع بعض لانكم بس ادري بالمواقف اللي بينكم اللي هيدخل بينكم هيخرب اكتر ما هيصلح
2⃣ *بطلي مقارنات*
ارجووكي انا بعمل وانت لاء انا عارفة انك اللي عليكي العبء الاكبر لكن عشان انتي عمود البيت انتي الاساس انتي الكل في الكل انتي ست البيت انتي اللي بايدك بعد ربنا تخلي بيتك جنه....
اعملي من باب ارضاء زوجك واحتسبي اجرك عند الله
ومش معني كلامي دة ان تعفي زوجك من المسئولية او عدم المشاركة في بعض الامور
👌🏻 لكن تعرفي ازاى باسلوبك الهادى الدافي تخلي زوجك يشاركك ويكون معاكي لحظه بلحظه لكن جو المقارنات وانا بعمل وانت لاء والزعيق والخناق هو دة الغلط
3⃣ *بطلي نكددددددد*
انتي انثي صفاتك وتصرفاتك لازم تعمل جو من السعاده لاسرتك...
النكد ابدا مش من طبع الانثي حاولي تكونى اعصابك هاديه لحد كبير
بطلي تتلككي خففي من حساسيتك وحدتك قبل ما تتعصبي وتعملي خناقة شوفيها تستاهل غم ونكد ولا لاء؟ عدى امورك بهدؤ بلاش تحطي عصبيتك تحت بند اصل العيال جننوني اصل ضغوط الحياه زوجك كمان مضغوط وهو بطبيعته مش شديد التحمل زيك انتي الحضن بالنسبه له بلمسات بسيطه اكسبيه خلي مشكلتك بدل ما تتحل بالنكد تتحل بالتفاهم والود
4⃣ *جوزك بيخرج يشوف الفيزون والملزق*
بلاش الجلابية دي ومعاها الربطة اللي فوق راسك والبسي حاجة تخليكي موزة
5⃣ *وقت الخلاف اقفلي بقك شوية*
ولما ييجي يصالحك خدي حقك براحتك انا عارفه ان فيه كلمتين محشورين في زورك ابقي قوليله انا كان ممكن ارد اقول....... بس مرضتش اتبطي بقي....
6⃣ *البيوت بتقوم علي الاحترام*
ممكن منحبش بعض والبيت ميتهدش عشان بنحترم بعض لكن لو راح يبقي البيت رااااااح
7⃣ *عاوزة جوزك يسمعك ويتقبل عيوبه منك؟*
اول لما تكلميه حتي في عز المشكله امدحيه بخمس صفات الاول وبعدها قوليله بس انت بتزعلني في ........... هيسمع وهيقبل ومنغير خناق ووهو مبسوط كماااااااان
8⃣ *بطلي تعملي فيها المفتش كرومبو خفي شوية يا فوزية*
مش تبقي فوق دماغه هو امك عملت ايه هي اختك قالت ايه هو انت رايح فين قعدت مع صحابك قلت ايه هوووب تدبي ايدك في بنطلونة وتطلعيها من قميصه يا فوزية عيييييب....
9⃣ *اهتمامك بنفسك*
بداية اهتمامك ببيتك وزوجك واولادك فرحي نفسك وابسطيها هتتبسطي وتسعدي كل اللي حواليكي
وبالمرة قومي سرحي شعرك
🔟 *التجديد*
اسااااس الحياة الملل قااااتل
*اتفقي انتي وجوزك*
ان لما حد فيكم يحس انه مش قادر يمسك نفسه وهيطول لسانه ولا هيغلط يقول معلش مش عاوز اتكلم دلوقتي ولاااازم التاني يحترم دا ويسسسسكت وبعد اما تهدوا تفتحوا الموضوع تاني السكووووت ارحم مليون مرة من قلة ادب وكلام ملوش لازمة يتقال ممكن يجرح العمرر كله
👌🏻 *خليكي فريش وضحوكة ومسلية*
قولي نكت قفشات هزري زغزغيه في جنبه ولا في رقابته بس بالرااحة لتخرميهم شيعي جو من البهجة يا ست انتي
💞 *شاركي جوزك اهتماماته*
حتي ولووووو مبتحبيهاش انا عارفه اغصبي علي نفسك وتابعيها مثلا لو بيحب الكورة هاتيلك كيلو لب وفشار وبومبوني
(اي مسليات) وتابعي معاه الماتش واعملي نفسك ابو تريكة وشووط وياااااه واووعي وصرخي وقومي خبطي عالحيط يااااااااه ضاعت الفرصة خليه يبقي مدربك ويعلمك اصول اللعبه هيتبسط قوووووووي وهيفضلك علي صحابه ولو هو برة او في شغل هيتصل بيكي يعرف اخبار الماتش بدل صاحبه
💜 *لو جوزك بيحب القهوة هاتيهاله في البيت*
يعني قوليله علمني الالعاب وتعالي نلعب مع بعض وجواايز بقي للي يكسب (فهماني ياااااااااا سوكة؟) وبلاش نوضح اكتر من كده مش تودنا في داهيه
*خليكي في البيت خفيفة* واوصيكي بالبعد عن الناس والاهل مبقلش قطيييعة بقول خلي تعاملاتك خفيفة مع الكل التدخلات مع اي حد سبب المشاااااكل
*_واخيرااا💖_*
*اتعاملي مع جوزك انكوا صحاااااااب*
سيبيه يحكيلك كل حاجة حتي لو حرقت دمك متبينيش عشان ميبطلش يحكي
*منقول للفائدة🥀*
*يسعدنا مشاركة المنشور بين صديقاتك لكن لا نحلل حذف توقيعنا أو رقمنا🚫*
أهدي صديقتك رابط القناة
👑 *مملكة الانوثه التدريبية* 👑
_*الإدارة العامة/أ. نانا الهاشمي*_
_*تنسيق/أ.قمرا*_
*للإشتراك/أ. سوما*
+20 112 622 7890
@King_womanhood
مملكة الانوثة التدريبة ترحب بكم تحويل الاكوادمحول الاكواد ايموجيايموجي